العيد الغائب من ابداع الراقية ام سومر جونية عزام

العيد الغائب
يا عيد ما مرك علينا من أعياد
يا عيد كيف نعيد والأحباب بعاد
رجعت يا عيد على ديارنا الحزينة
على بيوتنا يلي وشاحها السواد
برجوعك يا عيد قلبي حزين
على أحبابنا يلي لبسونا ثوب الحداد
يا عيد رمتنا بسهمها الأقدار
خلت شبابنا الأعياد عليها ما تنعاد
يا عيد عابلادي لاتمرق
لا الأهل أهل ولا البلاد بلاد
زمان يا عيد كإنو حبابي وخلاني
واليوم القلب مجروح من جوا الفؤاد
لا بقى يا عيد تزورنا
راحوا شبابنا وشيوخنا والأولاد
وردنا وشجرنا ذبل
قبل أوانه حان الحصاد
منسأل الفرج يكون قريب
بحكمتك يارب العباد
أم سومر جونية عزام